Молитва Святому Священномученику Иоанну Рижскому

О, всеблаженне святый священномучениче святителю отче наш Иоанне, правды Божия поборниче и святыя православныя веры Христовой защитниче, хулителей Святыя Церкве обличителю, врагов прогонителю, обидимым покровителю и всех верных христиан теплый предстателю. Ты всею душею от юности заповеди Христовы возлюбил еси. И во дни гонения лютаго на веру Православную, яко истинный пастырь явился еси, крестный путь прошед: поругание, заточение, оклеветание претерпевый и тако мученический венец восприял еси, обретши благодать Господу молитися за ны. Вемы, яко ты, предстоя Престолу Вседержителя, имаши велие дерзновение в молитвах пред Господем. И ныне смиренно припадаем и усердно молимся: о, скорый заступниче наш, святителю священномучениче отче Иоанне, услыши нас грешных и недостойных чад твоих: умоли Всемилостиваго Господа и Пречистую Его Матерь Пресвятую Богородицу - веру православную соблюсти, Святую нашу Церковь укрепити в единстве мира и любви, отпадшия от Святыя Церкве паки возвратити, страну нашу Латвийскую в мире, христианских добродетелех и благоденствии сохранити. Помози нам и разум наш питати не суетною мудростию человеческою, но смиренным познанием воли Божия. О, святый угодниче Божий, не презри нас молящихся тебе: не токмо от бед и скорбей избавления просим, но силы и твердости, великодушия и любве, дабы претерпети оныя напасти восстающия на ны. Испроси нам неослабное терпение до конца жития нашего, мир с Господем и грехов наших прощение. Ей, святый священномучениче, моли Господа Бога и Спаса нашего Иисуса Христа Сына Божия избавитися нам от всякаго зла и сохранити храм сей, и град, и страну нашу, и люди благочестно чтущия тя от всякия напасти, от болезней, глада, потопа, огня, меча, нашествия иноплеменников и междоусобныя брани, от клеветы и всякаго злаго обстояния. Молитвами твоими святыми рассеянныя собери, заблудшия на путь правый настави, старость поддержи, юныя вразуми, младенцы воспитай и всех нас с любовию почитающих тя утверди, да пребудем в любве друг ко другу, единомысленно исповедуя Отца и Сына и Святаго Духа Троицу Единосущную и Нераздельную, и тако да сподобимся Небеснаго Царствия, идеже славится Пречестное и Великолепое Имя Пресвятой и Живоначальной и Нераздельной Троицы. Аминь.

Кафедральный Cобор Рождества Христова
Бривибас бульвар 23
(Rīga Brīvības bulv. 23)
Рига, LV-1050
+371 67212901
Адрес электронной почты защищен от спам-ботов. Для просмотра адреса в вашем браузере должен быть включен Javascript.

Учеба и занятия

  • Собеседования
  • Беседа перед крещением
  • Беседа перед венчанием
  • Воскресная школа
  • Занятия для взрослых
  • Молодежное движение

Контакты

  • Как нас найти
  • Для экскурсий
  • Контакты

Социальные сети